Allah vədindən dönməz
Hz. Mehdinin gəlişi ibrahimi dinlərin
tarixində hər zaman əhəmiyyətli bir yer
tutmuşdur. Hər dinin öz müqəddəs
qaynaqlarında xüsusiyyətləri, köməkçiləri,
dövrünün xüsusiyyətləri və görəcəyi işlərlə
ətraflı şəkildə təsvir edilən hz. Mehdinin
gəlişi iman edənlər arasında müjdə səbəbidir.
Mehdinin (ə.s.) ortaya çıxmasının çox yaxın
olduğunu isə bu əlamətlərin davamlı olaraq
bir-birinin ardınca yaşanmasından anlaya
bilirik. Fitnə-fəsadın, qarşıdurma və
müharibələrin, əxlaqsızlıq və dinsizliyin
heç bir dövrdə olmadığı qədər yayılması və
sanki son nöqtəsinə çatması hz. Mehdinin
çıxışının an məsələsi olduğunu göstərir.
Yaşanan bütün bu mənfi hallar suyun alovu
söndürdüyü kimi hz. Mehdinin çıxışı ilə sona
çatacaq və Allah, şübhəsiz, möminləri
"... dünyada güc və iqtidar sahibi edəcək,
özləri üçün seçib bəyəndiyi dinlərini
özlərinə məskun edib sağlamlaşdıracaq". (Nur
surəsi, 55)
Hz. Mehdi ilə eyni dövrdə dünyaya ikinci
dəfə gələcək olan hz. İsa isə xüsusilə
xristian və yəhudi dünyasına xitab edəcək,
onları içində olduqları xurafatlardan
çəkindirib Quran əxlaqını yaşamağa dəvət
edəcək. Xristianların hz. İsaya tabe olması
ilə islam və xristian aləmi islam inancında
birləşəcək və insanlar hər üç ibrahimi dinin
müqəddəs kitablarında (Quranda, Tövrat və
İncildə) vəd edildiyi kimi, dünyanın hər
yerinə hakim olacaq iman, sülh, etibar və
rifah mühitində yaşayacaqlar.
Bu dəyişikliyə qarşı mübarizə
aparanlar isə qədərlərindəki məğlubiyyətə
şahid olacaqlar.
(Allah bununla)
günahkarların xoşuna gəlməsə də, haqqı
bərqərar etmək və batili yox etmək istəyirdi.
(Ənfal surəsi, 8)
ayəsində bildirdiyi kimi, qəti şəkildə
Allahın istədiyi olacaq. Din əxlaqının
yayılmasına müqavimət göstərənlərin
vəziyyəti Quranda belə açıqlanır:
Kafirlərin əməlləri
ucsuz-bucaqsız çöldəki ilğıma bənzər ki,
susuzluqdan ürəyi yanan onu su bilər.
Nəhayət, gəlib ona yetişdiyi zaman onun heç
nə olduğunu görər. O, öz əməlinin yanında
ancaq Allahın cəzasını tapar. (Allah da)
onun cəzasını verər. Allah tezliklə
haqq-hesab çəkəndir. (Nur surəsi, 39)
Hz. Mehdinin vəsiləsilə imana yönələcək və
onun liderliyində Qızıl əsri yaşayacaq
insanlar Allahın iznilə şərəfli bir dövrə
şahid olacaqlar. Bolluğu, bərəkəti, rahatlıq
və hüzurlu mühiti ilə hər müsəlmanın yaşamaq
istədiyi bu dövr iman edənlər üçün dünya
həyatında üstün mükafatdır. Qızıl əsrdə
anarxiya, terror, qarışıqlıq və
düşmənçiliyin tamamilə ortadan qalxması
nəticəsində yaşanacaq rahat həyatla insanlar
dünyada cənnətə bənzər bir mühitə
qovuşacaqlar.
Allahın möminlərə bu lütfü, Quranda
"Hər kəs Allahı, Onun peyğəmbərlərini və
iman gətirənləri özünə dost tutarsa, (hər
iki dünyada işləri yaxşı gedər). Şübhəsiz ki,
qələbə çalanlar məhz Allahın firqəsidir. (Maidə
surəsi, 56) ayəsi ilə bildirdiyi kimi,
Rəbbimizin bir vədidir. Və digər bir ayədə
belə deyilir: "... Allah vədindən geri
dönməz..." (Rum surəsi, 9). Bir başqa
Quran ayəsində isə Rəbbimiz belə buyurur:
Şübhəsiz,
sizə vəd edilən reallaşacaq. (Mürsəlat
surəsi, 7)
- Yaşadığımız axır zaman və Mehdi (ə.s.) müjdəsi
- Mehdinin (ə.s.) çıxışı bütün müqəddəs kitablarda müjdələnir
- Hz. İbrahimin hənif dininə tabe olmaq
- Axır zamanda dünyaya din əxlaqı hakim olacaq
- Yəhudilərin “Məsih”, müsəlmanların “Mehdi” olaraq gözlədikləri eyni mübarək şəxsdir
- Yəhudi qaynaqlarında hz. İbrahimin nəslinə vəd edilən hakimiyyət və Mehdinin (ə.s.) hz. İbrahimin nəslindən olması
- Tövratda hakimiyyət vəd edilən birliyin xüsusiyyətləri
- Tövratda israiloğulları kimi xitab edilən qövm Mehdi camaatıdır
- Allahın hakimiyyət vədində ölçü irq deyil, saf imandır
- Hz. Mehdi və camaatı qədərdə bəllidir
- Tövratda və digər yəhudi qaynaqlarında Mehdiyə (ə.s.) işarələr
- Yəhudi qaynaqlarında Mehdinin (ə.s.) çıxışından əvvəlki dövr
- Mehdinin (ə.s.) yəhudi qaynaqlarinda təsvir edilən xüsusiyyətləri
- Musəvi qaynaqlarında Mehdinin (ə.s.) hakimiyyət dövrü
- İncildə Mehdiyə (ə.s.) işarələr
- Bütün mövzuları görmək üçün